Ulybrıtanııada «omıkron» koronavırýs shtamymen aýyrǵandardyń sany jeltoqsannyń aıaǵynda mıllıonnan asýy múmkin. Densaýlyq saqtaý mınıstri Sadjıd Djavıd parlamentte sóılegen sózinde osyndaı málimdeme jasady, dep habarlaıdy Egemen.kz.
Onyń aıtýynsha, Ulybrıtanııada «omıkron» shtamy rastalǵan 568 jaǵdaı tirkelgen, biraq dertke shaldyqqandardyń naqty sany beıresmı derekterde aıtarlyqtaı joǵary. Ulybrıtanııanyń Densaýlyq saqtaý agenttiginiń (UKSA) málimetteri boıynsha, ınfeksııa juqtyrǵandardyń sany rastalǵan jaǵdaılardyń sanynan shamamen 20 esege kóp, ıaǵnı, 10 myńǵa jýyq.
«UKHSA qazirgi baıqalǵan qarqyndy baǵalap, osy aıdyń aıaǵynda dertti juqtyrǵandardyń sany mıllıonnan asýy múmkin dep esepteıdi», dedi Djavıd.