Memlekettik hatshy Qyrymbek Kósherbaev Táýelsizdik merekesi qarsańynda Atyraý oblysynyń birqatar azamatyna memlekettik nagradalardy tabystady, dep habarlaıdy Egemen.kz.
Prezıdent tapsyrmasymen Atyraý oblysyna kelgen Memlekettik hatshy Qyrymbek Kósherbaev Táýelsizdiktiń 30 jyldyǵyna arnalǵan saltanatty is-sharaǵa qatysty. Shara barysynda Táýelsizdiń mańyzyna toqtaldy.
«Biz – erkindikke qoly jetken, arman-muraty teń órilgen dana halyqpyz. Biz – taıqazany ortaımaǵan qazaq degen baıtaq elmiz. Mine, sol baqyt túndigin ashqan Táýelsizdik búginde qut-berekege aınaldy. Biz búgin osy qubylysty erekshe sezinip turmyz. Qazaqstan – yntymaqty uran, tatýlyqty tý etken beıbit el. Búgingi memleketimizdiń qarqyndy damýy – turaqty saıasat pen ishki birliktiń, ulttyq qasıetimiz ben ulttyq qundylyqtarymyzdy ulyqtaı bilgenimizdiń jemisi. Sondyqtan, birligimiz bekem, tirligimiz tııanaqty bolǵanda ǵana Táýelsizdiktiń týy máńgi jelbireıtinin esten shyǵarmaǵanymyz abzal», dedi Memlekettik hatshy.
Qyrymbek Kósherbaev el Táýelsizdigin tuǵyrly etýge, elimizdiń áleýmettik- ekonomıkalyq damýyna Atyraý oblysynyń erekshe úles qosyp kele jatqanyn aıtty.
Memlekettik hatshy saltanatty is-shara sońynda Prezıdent Jarlyǵymen berilgen memlekettik nagradalardy túrli salada eńbek etip, el damýyna úles qosqan bir top atyraýlyqqa tapsyrdy.