SQO polıseıleri 22 jastaǵy jigitten ekstazı men mefedron esirtki zattaryn tárkiledi, dep habarlaıdy Egemen.kz.
Petropavl qalasynyń 22 jastaǵy turǵyny tamyz aıynyń sońynda Soltústik Qazaqstan oblysynyń esirtki qylmysymen kúreskerleriniń nazaryna ilikken. Tártip saqshylarynyń qaramaǵyna jas jigittiń esirtkini taratýǵa qatysy bolýy múmkin ekendigi týraly aqparat túsken.
Jedel-izdestirý sharalarynyń nátıjesinde kúdikti ustalyp, turǵylyqty jeri boıynsha tintý kezinde quramynda untaq zat bar polımerlik túıinshek tabylǵan. Alynǵan zattyń jalpy salmaǵy 31 grammdy qurady. Saraptama kórsetkendeı, bul - kokaınniń sıntetıkalyq analogy bolyp tabylatyn «mefedron» psıhoaktıvti zaty. Alynǵan salmaq shamamen 500 bir rettik dozany quraıdy. Alaıda kúdiktiniń «assortımenti» emes ekeni anyqtaldy.
«Oǵan qosa, polıseıler kúdiktiden MDMA psıhotroptyq zaty nemese «ekstazı» degen atpen tanymal metamfetamın esirtkisin tapty. Bul bıylǵy jyly SQO-da metamfetamındi tárkileýdiń alǵashqy jaǵdaıy. Esirtki zattarymen asa iri mólsherde zańsyz jumys isteý faktisi QR Qylmystyq kodeksiniń 297-babynyń úsh bóligi «Esirtki quraldaryn, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý ne ótkizý» boıynsha sotqa deıingi tergep-tekserýdiń biryńǵaı tizilimine engizildi. Kúdiktige qatysty kúzetpen ustaý túrindegi bultartpaý sharasy tańdaldy», dep naqtylady SQO PD esirtki qylmysyna qarsy is-qımyl basqarmasy bastyǵynyń mindetin atqarýshy Ivan Terzıdı.