Baıden-Pýtın kelissózinde ne talqylandy?

Aqúı taratqan aqparatqa sáıkes AQSh pen Reseı basshylary kún tártibindegi birqa­tar máseleni talqylaǵan kó­ri­nedi. Prezıdent D.Baıden Amerı­ka Qurama Shtattary men Eýro­pa­lyq odaq tarapy Reseıdiń Ýkraına shekarasy mańyna qarý­ly kúshterin ornalastyrýǵa alań­daýshylyǵyn bildiretinin jet­kizdi. Sondaı-aq Aqúı bas­shy­sy áskerı qaqtyǵys bola qal­ǵan jaǵdaıda Reseıge qar­sy ekonomıkalyq sanksııa salý tá­siline júginip, basqa da sha­ra­lar qabyldaıtynyn aıtty. Pre­zıdent D.Baıden Ýkraınanyń ege­mendigi men aýmaqtyq tutas­tyǵyn qoldaıtynyn qaıtalap, deeskalasııa men dıplomatııaǵa qaıta oralýǵa shaqyrdy.

О́kinishke qaraı, beıne­kon­­ferensııa Ýkraına sheka­rasynda­ǵy daǵdarysty sheshe almady. Onyń ústine Kreml de, Aqúı de kelisim máselesinde aıtarlyqtaı ilgerileýshilik týraly habarlaǵan joq.

Aqúıdiń ulttyq qaýipsizdik jónindegi keńesshisi Djeık Sal­lıvan kezdesýden keıin jýrnalısterge bergen suhbatynda D.Baıdenniń V.Pýtınge tańdaý usynǵanyn jetkizgen: ahýaldy dıplomatııalyq jolmen sheshý nemese Reseı Ýkraınaǵa basyp kire qalǵan jaǵdaıda ekono­mı­kalyq jáne saıası qysym jasaý.

AQSh prezı­den­­tiniń mun­daı doq kórsetýi V.Pýtınniń pikirin qansha­lyq­ty ózgerteti­ni belgisiz. О́ıtkeni Kreml ta­­ratqan aqparatqa qa­raǵan­da, V.Pýtın máseleni sheshýge naqty usynys jasamaǵan. Ke­ri­sinshe Batys elderin aıyp­tap, olardyń Ýkraına men onyń aınalasynda áskerı ále­ýetin arttyryp jatqanyna nara­zy­lyq bildirgen.

Sondaı-aq Reseı basshysy NATO-nyń shyǵysqa, Reseı shekarasyna qaraı jaqyndamaýyna nemese Ýkraınada shabýyldaý­shy qarý-jaraq júıelerin orna­las­tyrmaıtynyna zańdy kepil­dik berýdi talap etken.

Bir qyzyǵy, Kreml D.Baı­denniń reseılik áriptesi aıt­qan talaptardy talqylaýǵa ke­­liskenin habarlady. Alaıda Aqúı ákimshiligi muny joqqa shyǵaryp otyr. New York Times gazetiniń habarlaýynsha, NATO-nyń geoaýqymyn keńeıtpeýge múldem ýáde berilmeıdi.

Sondaı-aq D.Baıden men V.Pýtın AQSh-Reseı ara­syn­­daǵy strategııalyq turaq­ty­lyq dıalogyn, tólemdik baǵdar­la­ma­lyq qamtamasyz etý bo­ıynsha jeke únqatysýdy, Iran máselesi sekildi aımaqtyq túıtkilder boıynsha birlesken jumys júrgizýdiń mańyzyn talqylady.

Degenmen bir nárse anyq. Taraptar ahýaldy sheshýge ty­ryspaq. Prezıdentter óz ákimshilikterine aldaǵy ýaqyt­ta atalǵan jaǵdaıattarǵa qa­tysty áreket etýdi tapsyrǵan. AQSh isti odaqtastar men serik­testerin qatystyra otyryp qa­rastyrmaq. Sondyqtan shy­ǵar, Djo Baıden reseılik árip­tesimen sóıleskennen keıin Fran­sııa, Germanııa, Italııa jáne Ulybrıtanııa basshylarymen telefon arqyly tildesti.

«D.Baıden áriptesterine Pý­tın­men sóıleskenin jet­kizdi. Sondaı-aq Reseıdiń Ýkraı­na­daǵy áskerı áreketiniń aýyr zar­daptaryn jáne deeskalasııa jáne dıplomatııaǵa oralý qajettigin talqylady. Kósh­basshylar Ýkraınanyń ege­mendigi men aýmaqtyq tutas­tyǵyn, sonymen qatar Reseıdiń shıelenisti báseńdetý jáne dıp­lomatııamen aınalysý qajet­tigin qoldaıtyndaryn atap ótti. Olar tyǵyz baılanys­ta bolýǵa, sonyń ishinde NATO odaq­tastarymen jáne Eýropalyq odaq seriktesterimen kelisilgen jáne jan-jaqty kózqaras bo­ıynsha konsýltasııalar júrgi­ze­tinine kelisti», delingen Aqúı taratqan aqparatta.

Sarapshylardyń aıtýynsha, Reseıdiń Ýkraına shekara­sy mańynda áskerin ornalas­tyrý Kremlge kishigirim dıplo­matııalyq jeńis syılap otyr. Ekzeter ýnıversıtetiniń professory Djonatan Markýstyń aıtýynsha, osy árekettiń nátı­jesinde Reseı máselesi AQSh-taǵy negizgi kún tártibine shyǵyp otyr. Osylaısha, Kreml derjavalar ústelinen oıyp turyp oryn almaq.