Shymkenttik polıseıler joǵalǵan balany taýyp, ata-anasyna din-aman tapsyrdy, dep habarlaıdy Egemen.kz.
Ál-Farabı aýdany polısııa basqarmasynyń «102» arnasyna keshki saǵat 18:50-de jergilikti turǵyn aryzdanǵan. Ol onda, alty jasar qyzynyń úı aýlasynda oınap júrip, belgisiz baǵytqa joǵalyp ketkenin aıtqan.
Alty jasar qyzdy tabý úshin ál-Farabı aýdandyq polısııa basqarmasynyń ókilderi kiristi. Izdestirý is-sharasyna tıisti basqarmanyń barlyq jeke quramy jumyldyryldy. Tártip saqshylary aýlalardy tekserip, turǵyndardan joǵalǵan qyz týraly surastyrdy. Sondaı-aq, kınologııanyń qyzmettik ıtterimen izdestirildi.
Jedel izdestirý sharalarynyń nátıjesinde keshki saǵat 20:00 de jergilikti polısııa qyzmeti ıývenaldy polısııa bólimi ınspektorlary «Naýryz» shaǵynaýdanyndaǵy «Nauryz Park» saýda ortalyǵynan alty jasar qyzdy aman-esen taýyp, ata-anasyna jetkizdi.