Dúnıejúzilik banktiń, Avtomobıl joldary komıtetiniń jáne «QazAvtoJol» UK» AQ Túrkistan oblystyq fılıalynyń ókilderi respýblıkalyq mańyzy bar «Qorǵas-Almaty-Taraz-Shymkent-Tashkent» 593-632 shaqyrym (Shaqpap Baba aýyly) avtjolynyń qaıta qurý ýchaskesindegi tonnelge birlesip shyqty, dep jazady Egemen.kz.
Kezdesý barysynda ókilder jumys barysymen jáne obektidegi aǵymdaǵy jaǵdaımen tanysty. Bul týraly QR IIDM habarlady.
Avtomobıl joldary respýblıkalyq mańyzy bar «Qorǵas-Almaty-Taraz-Shymkent-Tashkent» 593-632 shaqyrym tonneldiń bir jaq jolaǵynyń 840 metr qurylysy aıaqtaldy. Qazirgi ýaqytta beton jumystary tolyǵymen aıaqtalyp, drenaj júıesiniń qurylysy júrgizilýde.
«Ekinshi jolaqtyń ashylýyna 340 metr qaldy. Joba 2022 jyly paıdalanýǵa beriledi», delingen habarlamada.