Jol-kólik apaty 11 jeltoqsan kúni oryn alǵan. Bul týraly oblystyq polısııa departamentiniń baspasóz qyzmeti málimdedi, dep jazady Egemen.kz.
«Atyraý qalasyndaǵy «Juldyz» shaǵynaýdanynyń tusynda, «Atyraý-Dossor» baǵytyndaǵy joldyń boıynda reseılik nómiri bar «VAZ – 2115» avtokóligi «DAF» júk kóligine jol bermeı, soqtyǵysqan. Jol-kólik apatynyń saldarynan jeńil kóliktegi 2 jolaýshy kóz jumdy. Jeńil kóliktiń Reseı Federasııasynda da, Qazaqstan Respýblıkasynda da tirkeýge qoıylmaǵany anyqtaldy», dep habarlady departamenttiń baspasóz qyzmeti.
Qazir jol-kólik oqıǵasyna baılanysty tergeý bastaldy. О́zge aqparat Qylmystyq-prosestik kodeksiniń 201-babyna sáıkes jarııalaýǵa jatpaıdy.