Elordada «Altyn Samǵaý-2021» Ulttyq sporttyq júldesin saltanatty túrde tabystaý rásimi aıaqtaldy. «Jyldyń úzdik komandasy» ataǵyn fýtzaldan Qazaqstan quramasy ıelendi, dep habarlaıdy Egemen.kz.
Bıyl fýtzaldan Qazaqstan komandasy álem chempıonatynyń jartylaı fınalyna shyqqan bolatyn. Bizdiń komanda álemdik dodadan tórtinshi oryn ıelenip, tarıhı nátıje tirkedi.
«Biz úshin bul júldeni alý úlken qurmet! Bizdiń basshylyqqa jáne «Qaırat» klýbyna rahmet! Olar bizdiń halyqaralyq arenaǵa shyǵýymyzǵa múmkindik berdi. Jankúıerler qoldaýyna rahmet! Biz basqa komandalar da jankúıerlerdi qýantyp, osyndaı nátıje kórsete alady dep senemiz. Senim bildirgenderińiz úshin rahmet! Taǵy da alǵys aıtamyn», dedi komanda bas bapkeri Paýlo Rıkardo Kaka.