Qazaqstan Respýblıkasynyń Prezıdenti 2021 jylǵy 6 jeltoqsanda «Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2021 jylǵy memlekettik syılyǵyn berý týraly» Jarlyqqa qol qoıdy, dep jazady Egemen.kz Aqordaǵa silteme jasap.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵyn berý jónindegi komıssııanyń sheshimin qarastyryp, Qazaqstan Respýblıkasynyń Prezıdenti Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2021 jylǵy memlekettik syılyǵyn eki jumysqa berýge qaýly etti.
«Mıkrobıologııa jáne vırýsologııa ǵylymı-óndiristik ortalyǵy» jaýapkershiligi shekteýli seriktestigi usynǵan «Rozeofýngın-AS» otandyq jańa túpnusqalyq dárilik preparatty ázirleý jáne onyń óndirisin uıymdastyrý» taqyrybyndaǵy jumys úshin Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy bıologııa ǵylymdarynyń doktory, professor, akademık Amankeldi Qurbanuly Sadanov bas dırektor bolyp tabylatyn avtorlyq ujymǵa berildi. Avtorlyq ujym quramy: bas ǵylymı qyzmetker, bıologııa ǵylymdarynyń kandıdaty Asıa Sultanqyzy Balǵymbaeva; vırýsologııa bóliminiń jetekshisi, Qazaqstan Respýblıkasy Ulttyq ǵylym akademııasynyń korrespondent múshesi, bıologııa ǵylymdarynyń doktory, professor Vladımır Eleazarovıch Berezın; bas ǵylymı qyzmetker, medısına ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi Ilııas Raıhanuly Qulmaǵambetov; bas ǵylymı qyzmetker, bıologııa ǵylymdarynyń kandıdaty Lıýdmıla Petrovna Trenojnıkova; «Ál-Farabı atyndaǵy Qazaq ulttyq ýnıversıteti» kommersııalyq emes aksıonerlik qoǵamynyń bıologııa jáne bıotehnologııa fakýlteti dosentiniń mindetin atqarýshy, bıologııa ǵylymdarynyń kandıdaty Gúlnár Dáýletbaıqyzy Ultanbekova.
Sonymen qatar Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy Qazaqstan Respýblıkasynyń Bilim jáne ǵylym mınıstrligi Ǵylym komıtetiniń «Bıologııalyq qaýipsizdik problemalarynyń ǵylymı-zertteý ınstıtýty» sharýashylyq júrgizý quqyǵyndaǵy respýblıkalyq memlekettik kásiporny usynǵan «Qazaqstan Respýblıkasynyń bıologııalyq qaýipsizdigin qamtamasyz etý: ozyq ǵylymı tehnologııalar jáne óndiris» taqyrybyndaǵy jumystar sıkli úshin bıologııa ǵylymdarynyń doktory, professor, Jaratylystaný ǵylymdary akademııasynyń tolyq múshesi Kúnsulý Zakarıa bas dırektor bolyp tabylatyn avtorlyq ujymǵa berildi. Avtorlyq ujym quramy: bas dırektordyń ǵylym jáne kommersııalandyrý jónindegi orynbasary, veterınarııa ǵylymdarynyń doktory, professor Erǵalı Orynbasaruly Ábdiraıymov; bas dırektordyń óndiristik qyzmet jónindegi orynbasary, veterınarııa ǵylymdarynyń kandıdaty, professor Marhabat Melisbekuly Qasenov; zerthana meńgerýshisi, veterınarııa ǵylymdarynyń doktory, professor Lesbek Bekbolatuly Qutymbetov; zerthana meńgerýshisi, veterınarııa ǵylymdarynyń kandıdaty, professor, Ulttyq ǵylym akademııasynyń korrespondent múshesi Muhıt Barmaquly Orynbaev; zerthana meńgerýshisi, bıologııa ǵylymdarynyń kandıdaty, professor Kúláısan Turlybaıqyzy Sultanqulova; bas ǵylymı qyzmetker, veterınarııa ǵylymdarynyń kandıdaty, professor Berik Muhıtuly Haırýllın.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy Qazaqstan Respýblıkasynyń azamattaryna tehnıkanyń, materıaldardyń jáne tehnologııalardyń álemdik analogtar deńgeıindegi nemese odan joǵary jańa túrlerin ázirlegeni jáne óndiristi uıymdastyrǵany úshin; ekonomıkanyń túrli salalarynda ekonomıkalyq jáne (nemese) áleýmettik áserdi qamtamasyz etetin múldem jańa buıymdar, tehnologııalyq prosesster ázirlegeni jáne jasaǵany úshin beriledi.