Elbasy Nursultan Nazarbaevtyń «Táýelsizdik taǵylymy» atty maqalasyn oqyp, bizge eń qymbat baılyǵymyz egemendiktiń qandaı kúrespen kelgenine taǵy bir kýá bolǵandaımyz. Tuńǵysh Prezıdenttiń tolǵamynan keıin, shyny kerek, qýanyshty sezimde boldym. Nege deseńiz, osy maqaladan soń Qazaqstannyń azattyq alǵaly beri aýyz toltyryp aıtarlyqtaı jetistikterge qol jetkizgenimiz kóz aldymyzǵa keldi.
Táýelsizdik bizge keremet múmkindikter ala keldi. Sonyń biri – shetelde bilim alýǵa jaǵdaı jasaý, talaptanǵan jastardy qoldaý. О́zim de osy «Bolashaq» baǵdarlamasynyń jemisin kórdim. Ulybrıtanııadaǵy Ýorık ýnıversıtetinde «Bilim berý jónindegi kóshbasshylyq jáne menedjment» boıynsha magıstratýrada bilim aldym. Men sekildi myńdaǵan zamandasymnyń álemniń ár qıyrynan sapaly bilimdi týǵan jerge eksporttap, elge eńbek etip jatqanyn táýelsizdiktiń zor tabysy dep aıtar edim.
«Bolashaq» baǵdarlamasy – álemde balamasy joq jetekshi startaptardyń biri. Sondaı tyń bastamanyń jemisine aınalǵanyma qýanyshtymyn. Elimiz bizge salǵan ınvestısııa arqyly táýelsizdikti nyǵaıta túsetinimizge senemin. Qazir «Bolashaq» túlekteri óńirlerdiń áleýetin arttyrýǵa eńbek etip jatyr. Men de qazirgi tańda aýyldyq jerdegi orta bilim sapasyn arttyrý maqsatynda Batys Qazaqstan oblysynyń Syrym aýdanyndaǵy Qosoba mektep-bóbekjaı-balabaqsha kesheninde jumys istep júrmin.
«Elim deıtin er bolmasa, erim deıtin el qaıdan shyqsyn» demekshi, osy azat kúnniń tańyn kórip otyrǵan barlyq otandasymdy táýelsizdikti saqtap qalý jolynda aıanbaı eńbek etýge shaqyramyn.
Jansultan NURMUHANOV,
«Bolashaq» baǵdarlamasynyń túlegi, Qosoba
mektep-bóbekjaı-balabaqsha kesheniniń dırektory
Batys Qazaqstan oblysy