Aqmola oblysynyń Shýchınsk qalasynda bokstan áıelder arasyndaǵy Qazaqstan chempıonaty aıaqtaldy. Bul jarysta 12 salmaq dárejesi boıynsha medaldar sarapqa salyndy.
Birneshe kúnge sozylǵan básekeler barysynda Almaty men Nur-Sultan qalalarynyń burymdylary ózderin jaqsy qyrynan kórsetti. Bul komandalardyń árqaısysy úsh altynnan oljalady. Atap aıtsaq, Alataý baýraıynan kelgen arýlar arasynan Alýa Balqybekova (48 kılo), Nazym Qyzaıbaı (50 kılo) jáne Darıǵa Shákimova (66 kılo) qarsylas shaq keltirmedi. Elordalyq sulýlar qatarynan Rımma Volosenko (60 kılo), Aıda Ábikeeva (63 kılo) jáne Valentına Halzova (70 kılo) teńdessiz dep tanyldy.
Al ózge salmaq dárejelerinde aqmolalyq Dına Jolaman (54 kılo) men Karına Ibragımova (57 kılo), qostanaılyq Nadejda Rıabes (75 kılo) jáne shymkenttik Farıza Sholtaı (81 kılo) men Dına Islambekova (+81 kılo) altynnan alqa taqty.