Memlekettik kirister komıteti elimizge «Apple» jáne «Samsung» fırmalarynyń smartfondary men elektrondyq qurylǵylarynyń iri partııasyn júk bóliginde jasyryp ákelý áreketteriniń jolyn kesý týraly habarlady, dep jazady Egemen.kz.
Júkterdi jasyryn tasymaldaý úshin jabdyqtalǵan qupııa ornynan «Iphone» smartfondarynyń 2 134 birligi, «Ipad» planshetteriniń 124 birligi, «Apple iWatch» smart-saǵatynyń 451 birligi jáne taýarǵa ilespe qujattary joq tanymal brendterdiń basqa da elektrondyq qurylǵylary tabyldy.
Aldyn ala derekter boıynsha júktiń jalpy quny 1 mlrd teńgeden asady.
«Aýhatty» avtomobıl ótkizý pýnkti arqyly tek bos júk avtokólik quraldarynyń júrýine ruqsat etilgenin atap ótken jón.
Ákelý faktisiniń jolyn kesý boıynsha is-sharalardy Jambyl oblysy boıynsha Memlekettik kirister departamenti eksporttyq baqylaý basqarmasynyń qyzmetkerleri, Qazaqstan Respýblıkasy Ulttyq qaýipsizdik komıtetiniń Shekara qyzmeti men Jambyl oblysy boıynsha Ekonomıkalyq tergeý departamentiniń qyzmetkerlerimen birlesip júrgizdi.
Atalǵan fakt Jambyl oblysy Shekara qyzmeti departamentiniń AEK-te tirkelip, prosessýaldyq sheshim qabyldaý úshin ekonomıkalyq tergeý departamentine berildi.