Atyraý qalalyq ákimdiginiń baspasóz qyzmetinen málim etkendeı, 16-17 jeltoqsanda dúnıe esigin ashqan shaqalaqtardyń arasynda 28 ul men 28 qyz bar, dep jazady Egemen.kz.
«El Táýelsizdigine 30 jyl tolǵan mereke kúni – 16 jeltoqsanda 37 náreste ómirge keldi. Jas bosanǵan analarǵa Atyraý qalalyq jumyspen qamtý, áleýmettik baǵdarlamalar jáne azamattyq hal aktilerin tirkeý bólimi, «Azamattarǵa arnalǵan úkimet» memlekettik korporasııasy» KeAQ-nyń Atyraý oblysy boıynsha fılıaly, oblystyq densaýlyq saqtaý basqarmasy men «Qazposhta» AQ-nyń oblystyq fılıaly shaqalaqtardyń týýy týraly kýáligin jedel rásimdep berdi», dep habarlady ákimdiktiń baspasóz qyzmeti.
Táýelsizdik kúninde ómirge sábı ákelgen jas ananyń biri – Aıǵanym. Mahambet aýdanynda turatyn jas ananyń otbasy perzentine Fatıma esimin tańdaǵan.
«Biz úshin ulyq merekede sábı bolý – úlken baqyt. Endi ákesiniń erke qyzy – Fatımamyz bar» deıdi jas ana.
Ata-anasyn zor qýanyshqa bólegen nárestelerge Ámire, Aıdaı, Aıshyn, Nurıslam, Nurseıit esimderi kóbirek qoıylǵan.