Jańa jyldyq merekeler qarsańynda balalardyń kópshiligi, sondaı-aq eresekter pırotehnıkany durys paıdalanbaýdan jaraqat alady, dep jazady Egemen.kz.
Osyǵan baılanysty elorda aýmaǵynda 2021 jyldyń 15 jeltoqsany men 2022 jyldyń 12 qańtary aralyǵynda «Pırotehnıka-2021» jedel aldyn alý is-sharasy ótkiziledi.
Jedel aldyn alý is-sharalarynyń maqsaty halyqpen pırotehnıkalyq buıymdardy saqtaý, paıdalaný, tasymaldaý jáne ákelý erejeleri, sondaı-aq sertıfıkattalmaǵan pırotehnıkalyq ónimderdi aınalymnan alý týraly profılaktıkalyq jumys júrgizý bolyp tabylady.
Elorda ákimdigi qala turǵyndaryna pırotehnıkany paıdalanýdyń negizgi erejeleri týraly eske salady:
- pırotehnıkany kúmándi satýshylardan satyp almańyz (kóshe sórelerinen, ótkelderden);
- balalarǵa pırotehnıkany óz betinshe iske qosýǵa ruqsat etpeńiz;
- qaptamadaǵy nusqaýlyqty muqııat oqyp shyǵyńyz;
- pırotehnıkanyń jarylýy kezinde qashyqtyqta bolyńyz;
- eshqandaı jaǵdaıda jabyq úı-jaıda pırotehnıkany paıdalanbańyz;
- kórermender naqty pırotehnıkalyq buıymdy qoldaný jónindegi nusqaýlyqta kórsetilgen qaýipti aımaqtan tys, biraq keminde 20 m qashyqtyqta bolýy tıis;
- bilteni sozylǵan qol qashyqtyǵynda tutatý kerek;
- jumys istep turǵan pırotehnıkalyq buıymdy qolda ustaýǵa qatań tyıym salynady.
Tipti tanys jáne qarapaıym pırotehnıkalyq ónimniń ózindik erekshelikteri bolýy múmkin ekenin este saqtaý kerek.