QR Premer-Mınıstri Asqar Mamın aldaǵy jyly Qazaqstannyń Soltústik jáne Shyǵys óńirlerin gazben qamtý josparyn ázirleýdi mindettedi, dep habarlaıdy Egemen.kz.
«Osy jyldyń sońyna deıin otyn-energetıka keshenin damytýdyń 2030 jylǵa deıingi jańartylǵan tujyrymdamasy qabyldansyn. «QazTransGaz»-ben birge 2022 jylǵy 1 sáýirge deıin elimizdiń soltústik jáne shyǵys óńirlerin gazdandyrý máselesi boıynsha keshendi jospardy ázirleýdi qamtamasyz etsin.
Úshinshiden, Energetıka mınıstrligi Ulttyq ekonomıka mınıstrligimen, «Samuryq-Qazyna» qorymen jáne jeke energııa óndirýshi uıymdarmen birlesip, elektr stansııalaryn jańǵyrtý men jańalaryn salýdy qarjylandyrý mehanızmin ázirlesin», dedi Asqar Mamın Úkimet otyrysynda.
Sondaı-aq, Premer-Mınıstr aldaǵy jyly birqatar ónerkásipti iske qosý kerektigin mindettedi.
«Samuryq-Qazyna» qorymen birlesip, 2022 jylǵy 1 sáýirge deıin polıpropılen óndirý zaýytyn iske qosýdy qamtamasyz etsin, sondaı-aq Atyraý oblysynda polıetılen óndirý jónindegi jobany iske asyrýdy bastasyn. Odan bólek, jańartylatyn energııa kózderin paıdalanýdyń úlken áleýetiniń bolýyn eskere otyryp, Qazaqstanda «jasyl energetıkany» damytý jónindegi jumysty jandandyrý qajet», deıdi ol.