Ortalyq kommýnıkasııalar qyzmeti alańynda ótken brıfıngte IIM Qylmystyq-atqarý júıesi komıtetiniń tóraǵasy Janat Eshmaǵambetov elimizde 4 túrme salý josparlanyp otyrǵanyn aıtty, dep jazady Egemen.kz.
«Qamaýda ustaý jaǵdaılaryn jaqsartý úshin Ishki ister mınıstrliginiń Qylmystyq-atqarý júıesiniń ınfraqurylymyn jańǵyrtýdyń jol kartasy ázirlenip, bekitildi. Onda memlekettik-jekemenshik áriptestik aıasynda barlyq halyqaralyq standartqa sáıkes keletin 20 jańa mekemeniń qurylysy qarastyrylǵan», dedi komıtet basshysy.
Onyń sózinshe, 2022-2024 jyldar aralyǵynda Almaty, Aqtóbe, Mańǵystaý jáne Túrkistan oblystarynda 4 ǵımarat salý josparlanyp otyr.
«Qoldanystaǵy ǵımarattar men qurylystar ótken ǵasyrdyń 30-70 jyldarynda salynǵan. Olardyń kópshiligi tozyǵy jetken jáne apatty jaǵdaıda, qylmystyq zańnamanyń qatańdatylýyna baılanysty 2020 jyldan bastap túrmedegiler sanynyń ósýi baıqalady», dedi Janat Eshmaǵambetov.