28 jeltoqsanda Qazaqstan Prezıdenti Qasym-Jomart Toqaev TMD-ǵa múshe memleketter basshylarynyń beıresmı kezdesýine qatysý úshin Sankt-Peterbýrgke jumys saparymen barady, dep jazady Egemen.kz.
Bul týraly Prezıdent baspasóz hatshysy Berik Ýálı málimdedi.
«TMD basshylarynyń Jańa jyl qarsańynda ótkizetin osyndaı formattaǵy kezdesýi dástúrge aınaldy. Jıyn barysynda Dostastyq aıasynda atqarylǵan birlesken jumystardyń qorytyndylary, kópjaqty yqpaldastyqty damytýdyń perspektıvalary jáne Uıym qyzmetiniń tıimdiligin arttyrý máseleleri talqylanbaq. Sonymen qatar halyqaralyq jáne aımaqtyq kún tártibiniń ózekti máseleleri qarastyrylady dep josparlanýda», dep jazdy Berik Ýálı áleýmettik jelidegi paraqshasynda.