Eldegi 8 oblysta qolaısyz aýa raıyna baılanysty eskertý jarııalandy, dep habarlaıdy Egemen.kz Qazgıdrometke silteme jasap.
23 jeltoqsanda Qaraǵandy oblysynyń batysynda, soltústiginde, ortalyǵynda tuman túsip, kóktaıǵaq bolady, jaıaý burqasyn soǵýy yqtımal. Jel ońtústik-shyǵystan ońtústik-batysqa aýysady, oblystyń batysynda, ortalyǵynda ekpini 15-20 m/s jetedi.
Qaraǵandy qalasynda erteń kóktaıǵaq bolady, jaıaý burqasyn soǵady.
Jezqazǵanda erteń kóktaıǵaq bolýy múmkin. Jel ońtústik-shyǵystan ońtústik-batysqa aýysady, kúndiz ekpini 18 m/s jetedi.
23 jeltoqsanda túnde Batys Qazaqstan oblysynyń soltústiginde, soltústik-shyǵysynda jaıaý burqasyn soǵady. Jel soltústik-batystan, batystan soǵady, túnde oblystyń soltústiginde, soltústik-shyǵysynda ekpini 15-20 m/s jetedi.
Oralda erteń túnde jaıaý burqasyn soǵýy múmkin. Jel soltústik-batystan, batystan soǵady, túnde ekpini 18 m/s jetedi.
23 jeltoqsanda Aqmola oblysynyń soltústik-batysynda jáne ońtústiginde jaıaý burqasyn soǵady, kóktaıǵaq bolýy yqtımal. Oblystyń batysynda, ońtústiginde tuman túsýi múmkin. Ońtústik-batystan soǵatyn jel ońtústik-shyǵysqa aýysady, túnde oblystyń shyǵysynda, kúndiz ońtústiginde jyldamdyǵy 15-20 m/s jetedi.
Nur-Sultanda erteń tuman túsip, kóktaıǵaq bolady. Ońtústik-batystan soqqan jel ońtústik-shyǵysqa aýysady, kúndiz ekpini 15-20 m/s jetedi. Kókshetaýda erteń kóktaıǵaq bolýy múmkin.
23 jeltoqsanda Qyzylorda oblysynyń soltústiginde jáne ortalyǵynda kóktaıǵaq bolýy múmkin, tuman túsedi. Jel soltústik-batystan, batystan soǵady, kúndiz oblystyń ortalyǵynda jyldamdyǵy 15-20 m/s jetedi.
Qyzylorda qalasynda erteń kóktaıǵaq bolýy múmkin. Jel batystan soǵady, kúndiz ekpini 15-20 m/s jetedi.
23 jeltoqsanda Mańǵystaý oblysynyń batysynda, soltústiginde tuman túsip, kóktaıǵaq bolýy múmkin. Soltústikten soǵatyn jel shyǵysqa aýysady, oblystyń batysynda, soltústiginde ekpini 15-20 m/s jetedi.
Aqtaýda erteń kóktaıǵaq bolýy múmkin. Soltústikten soǵatyn jel shyǵysqa aýysady, túnde ekpini 15-18 m/s jetedi.
23 jeltoqsanda túnde jáne tańerteń Almaty oblysynyń shyǵysynda jáne ońtústiginde tuman túsýi yqtımal. Alakól kólderiniń aýdanynda ońtústik-shyǵystan jel soǵady, kúshi 17-22 m/s. 23 jeltoqsanda Aqtóbe oblysynyń soltústiginde jaıaý burqasyn soǵýy múmkin. Batystan, ońtústik-batystan jel soǵady, oblystyń batysynda jyldamdyǵy 15-20 m/s jetedi.
Aqtóbe qalasynda erteń jaıaý burqasyn soǵýy yqtımal.
23 jeltoqsanda Túrkistan oblysynyń soltústiginde, batysynda, taýly aýdandarynda ońtústik-batystan jel soǵady, kúshi 15-20 m/s.
Shymkentte erteń ońtústik-batystan jel soǵady, ekpini 15-20 m/s jetedi.
Túrkistan qalasynda erteń tańerteń jáne kúndiz ońtústik-batystan jel soǵady, ekpini 15-20 m/s jetedi.