Elordada turǵyndardy KVI-ge qarsy vaksınasııalaý qarqyny artyp keledi. Qala boıynsha barlyǵy birinshi komponentpen halyqtyń 67,8% vaksınasııalandy. Erekshe belsendilik jasóspirimder arasynda baıqalady, dep habarlaıdy Egemen.kz.
Búgingi tańda Nur-Sultanda 18 600-den astam adam Pfizer preparatymen egildi. Onyń 12 myńnan astamy-12-17 jastaǵy balalar, 6 myńǵa jýyǵy bala emizetin áıelder jáne 400-den astamy júkti áıelder.
Densaýlyq saqtaý basqarmasynda atap ótkendeı, vaksınasııa pýnkteri negizinen jumys kúnderi toltyrylady.
«Biz demalys kúnderi adamdar óz isterimen aınalysatynyn, otbasylarymen ýaqyt ótkizetinin túsinemiz, sondyqtan vaksınasııanyń ósýi jumys kúnderine keledi. Biraq, osyǵan qaramastan, egý pýnkteri demalys jáne mereke kúnderi de jumysyn jalǵastyrýda», dep habarlady vedomstvodan .
Sondaı-aq elordada turǵyndardyń revaksınasııasy jalǵasýda. Revaksınasııanyń bir aıynda 13 myńnan astam adam KVI-ǵa qarsy úshinshi ret vaksına aldy.
Esterińizge sala keteıik, medısınalyq uıymdarda da, saýda keshenderinde de qaıta vaksınasııalaýǵa bolady. Al Pfizer alý úshin medısınalyq uıymdar men elordalyq mektepterdiń vaksınasııa pýnkterine ǵana júginý qajet. Qazirgi ýaqytta amerıkandyq vaksına tek júkti jáne bala emizetin áıelderge, 12 jastan 18 jasqa deıingi balalarǵa arnalǵan.