О́zbekstan Respýblıkasynyń Sybaılas jemqorlyqqa qarsy is-qımyl Agenttigi dırektorynyń orynbasary T.S. Haıdarov bastaǵan delegasııa Qazaqstanǵa keldi. Sapar maqsaty – eki eldiń sybaılas jemqorlyqqa qarsy vedomstvolary arasynda qol qoıylǵan Memorandýmdy iske asyrý, dep habarlaıdy Egemen.kz.
Sybaılas jemqorlyqqa qarsy qyzmet basshysy M. Ahmetjanov delegasııaǵa elimizdiń sybaılas jemqorlyqqa qarsy saıasaty men júrgizilip jatqan jumystardyń barysy jaıly qysqasha aıtyp berip, TMD sybaılas jemqorlyqqa qarsy is-qımyl jónindegi Memleketaralyq Keńestiń tóraǵasy retinde áriptesterin kelesi otyrysqa qatysýǵa shaqyrdy.
Kezdesý barysynda jumys deńgeıinde tájirıbe almasý boıynsha sessııalar ótkizildi. Sybaılas jemqorlyq úshin ákimshilik jaýapkershilik, memlekettik satyp alý júıesi, kirister men múlikti deklarasııalaý, NQA jobalaryna sybaılas jemqorlyqqa qarsy saraptama máseleleri sheteldik áriptesterdiń erekshe qyzyǵýshylyǵyn týdyrdy.
Delegasııa Halyqqa qyzmet kórsetý ortalyqtaryn, Nur-Sultan qalasy ákimdiginiń Ahýaldyq ortalyǵyn, Antikor ortalygy men Saryarqa aýdany ákimdiginiń servıstik ortalyǵyn aralap kórdi.
Bul delegasııa múshelerine sybaılas jemqorlyq táýekelderin azaıtatyn qyzmetterdi kórsetý prosesterimen egjeı-tegjeıli tanysýǵa múmkindik berdi.
Sonymen qatar ózbek áriptester Bas prokýratýra men Ishki ister mınıstrliginiń ókilderimen kezdesti. Kezdesýler aıasynda quqyqtyq statıstıka jáne arnaıy esepke alý komıtetiniń alańynda qylmystyq prosesti avtomattandyrýdy qamtamasyz etetin júıeler tanystyryldy.
Is-shara sońynda taraptar ózara tıimdi, onyń ishinde onlaın rejımde semınarlar uıymdastyrý arqyly yntymaqtastyqty damytýǵa nıetti ekendikterin bildirdi.