Batys Qytaı-Batys Eýropa tas jolynyń 134-135-shaqyrymynda kóktaıǵaqtan 17 kólik soqtyǵysty, dep habarlaıdy Egemen.kz.
Kýágerler túsirgen beınejazbalarda avtomobılderdiń birin-biri soqqany kórinedi. О́ıtkeni jol kók muz. Kólikter toqtaı almaı jatyr.Almaty oblysy Densaýlyq saqtaý basqarmasynyń málimetinshe, jol apatynan zardap shekken 11 adam Shelek aýdandyq aýrýhanasyna jetkizildi. Zardap shekkender Panfılov, Uıǵyr jáne Raıymbek aýdandarynyń turǵyndary.
Medısınalyq kómek kórsetilgennen keıin 3 adam aýrýhanaǵa jatqyzyldy. Olardyń jaǵdaıy ortasha aýyr dep baǵalandy. Dárigerler kómegine júgingen 6 adam ambýlatorlyq em alýǵa jiberilse, taǵy 2 adam qosymsha tekserýge baǵyttaldy.
Qazirgi ýaqytta qalyń tumanǵa baılanysty Almaty-Qorǵas tas joly jabyldy.