Úndistannyń shyǵysyndaǵy Bıhar shtatyndaǵy tamaq óńdeý zaýytynda ornalasqan bý qazandyǵy jarylyp, alty adam qaza tapty, de habarlaıdy Egemen.kz.
Taǵy alty adam jaralanǵan. Jarylys saldarynan jaqyn mańdaǵy ǵımarattar zaqymdalǵan.
Oqıǵa ornynda izdeý-qutqarý toptary men jedel járdem brıgadalary jumysyn jalǵastyrýda. Qaıtys bolǵandar sanynyń artýy yqtımal.
Aımaq basshylyǵy jarylystyń sebebi áli belgisiz ekenin, oqıǵaǵa qatysty tergeý bastalǵanyn málimdedi.
Aıta keteıik, Úndistanda qaýipsizdik sharalarynyń jetkiliksizdiginen órt pen jarylys jıi bolady.