Semeı qalasyndaǵy fızıka-matematıka baǵytyndaǵy Nazarbaev zııatkerlik mektebiniń 7-synyp oqýshysy Malıka Ásemhanova toǵyzqumalaqtan V Azııa chempıonatynda úshinshi oryn aldy. Ol 14 jasqa deıingi qyzdar arasynda baq synasqan.
Aqtóbe qalasynda ótken V Azııa chempıonatyna Qazaqstan, Qyrǵyzstan, Aýǵanstan, Úndistan, Qytaı, Mońǵolııa, Túrkııa, Túrikmenstan, Reseı jáne О́zbekstan memleketterinen 150-ge jýyq sportshy qatysqan edi.
– Ulttyq sportpen 7 jasymnan aınalysa bastadym. Adamnyń oılaý qabiletin damytýǵa kómektesetindigi qatty unady. Sonymen qatar ár jetken jeńisim qanattandyra túsedi. Alǵash toǵyzqumalaq úıirmesine ata-anam alyp kelgen. Sondyqtan da Azııa chempıonatyndaǵy jeńisimdi áke-shesheme arnadym. Meniń osy dárejege jetýim solardyń arqasy. Alǵa qoıǵan josparlarym kóp, – deıdi Malıka.
Malıka buǵan deıin de túrli deńgeıdegi jarystarǵa qatysyp, top jarǵan. Máselen, ár jyldary ótetin respýblıkalyq dodada júldeli I,II,III oryndarǵa ıe bolǵanyn bilemiz. Sonyń arqasynda 2017 jyly «Sport sheberligine úmitker» dárejesin de oryndaǵan. Hakim Abaı jaqsy kórip oınaǵan toǵyzqumalaq semeılikterge jaqyn sport.
Semeı