Ekinshi jartylaı jeńil salmaq dárejesinde baq synap júrgen amerıkalyq kásipqoı boksshy Kıshon Devıs ýkraınalyq Vasılıı Lomachenkony sharshy alańda upaı sanymen jeńgisi keletinin málimdedi, dep habarlaıdy Egemen.kz.
«Men Vasılıı Lomachenkony qatty qurmetteımin. Alaıda sharshy alańda kezdessek, ony 12 raýnd boıy soqqynyń astyna alyp, upaı sanymen jeńiske jetkim keledi. Al Djervonta Devıs sekildi qarsylasty nokaýtpen jeńgen durys», dedi ol áleýmettik jelide jazǵan jazbasynda.