Nur-Sultan qalasynyń Jastar saıasaty máseleleri basqarmasynyń qoldaýymen jáne Qazaqstan Jastarynyń Konventi uıymdastyrýymen beınerolıkter baıqaýy ótti.
Marapattaý rásimi 2 atalym boıynsha júzege asty. Alǵashqysy – «Eń úzdik vaın, sketch, parodııa, klıp, anımasııalyq beıne, tık-tok» atalymy bolsa, ekinshisi – «Eń jaqsy áleýmettik rolık, beıneart, vırýstyq rolık» atalymy. Jastar arasynda nashaqorlyqtyń aldyn alý boıynsha beınerolıkter baıqaýyna 76 ótinim kelip túsken. Qazylar alqasy saralaı kele 11 qatysýshyny sońǵy márege ótkizdi.
Aıta keteıik, baıqaýdyń maqsaty – nashaqorlyqtyń tómendeýine áser etý jáne salamatty ómir saltynyń basymdyqtaryn qalyptastyrý.
Qorytyndylaı kele, jalpy atalym boıynsha birinshi orynǵa Sherhan Abdıev jáne Ǵumar Sultanbek laıyq dep tanyldy. Ekinshi orynnan tórt birdeı talapker kórindi. Atap aıtsaq, Alıbı Muqushev, Altynaı Bapanova, Alıma Ahýnova, Aıdar Naýsha. Al tıisinshe 3-orynǵa Arman Serikbaı, Alıjan Baısapar jáne Beken Álem jaıǵasty. Budan bólek, Nazerke Jýkına men Tansholpan Nysanbek arnaıy júldemen marapattaldy.
Júldegerlerdiń barlyǵyna dıplom men qarjylaı syılyqtar tabystaldy.