EAEO organdaryndaǵy tóraǵalyq Qyrǵyzstan Respýblıkasyna ótti, dep habarlaıdy Egemen.kz Eýrazııalyq ekonomıkalyq komıssııanyń baspasóz qyzmetine silteme jasap.
2022 jyly Qyrǵyz Respýblıkasy Joǵary Eýrazııalyq ekonomıkalyq keńeske, Eýrazııalyq úkimetaralyq keńeske jáne Eýrazııalyq ekonomıkalyq komıssııa keńesine tóraǵalyq etetin bolady.
Tóraǵalyq etý sheńberinde Joǵary Eýrazııalyq ekonomıkalyq keńestiń otyrysy jáne mamyr aıynda Bishkekte Eýrazııalyq ekonomıkalyq forýmdy ótkizý, tamyzda dástúrli túrde Ystyqkól kóliniń jaǵalaýynda Eýrazııalyq úkimetaralyq keńestiń otyrysy, sondaı-aq basqa da saraptamalyq is-sharalar josparlanǵan.
Jaqyn arada Qyrǵyz Respýblıkasynyń Prezıdenti, Joǵary Eýrazııalyq ekonomıkalyq keńestiń tóraǵasy Sadyr Japarovtyń Qyrǵyzstannyń EAEO organdaryndaǵy tóraǵalyǵynyń basym baǵyttarymen Eýrazııalyq ekonomıkalyq odaq memleketteriniń basshylaryna úndeýi kútilýde.
EAEO týraly shartqa sáıkes joǵary keńeste, úkimetaralyq keńeste jáne komıssııa Keńesinde tóraǵalyq etýdi rotasııalyq negizde orys álipbıi tártibimen bir múshe memleket kúntizbelik bir jyl ishinde uzartý quqyǵynsyz júzege asyrady.