Mańǵystaýdan saılanǵan senatorlarymyz da sol óńirde máseleniń oń sheshilýine atsalysýda. QR Parlament Senatynyń tóraǵasy Máýlen Áshimbaev Facebook-tegi paraqshasnyda osylaı jazdy, dep habarlaıdy Egemen.kz.
«Mańǵystaýdaǵy jaǵdaı barsha eldi alańdatyp otyr. Másele Prezıdentimiz Qasym-Jomart Kemeluly Toqaevtyń tolyq baqylaýynda. Memleket basshysynyń tapsyrmasymen arnaıy Úkimettik komıssııa quryldy. Búginde komıssııa ókilderi óńirge baryp, óz jumysyn bastady. Másele dıalog negizinde sheshilýge tıis jáne Prezıdentimiz aıtqandaı, barlyq taraptyń múddesin eskeretin sheshimge kelý mańyzdy», dep jazdy Senatynyń tóraǵasy.
Máýlen Áshimbaevtyń aıtýynsha, qazirgi tańda Mańǵystaýdan saılanǵan senatorlar da sol óńirde máseleniń oń sheshilýine atsalysýda.
«Biz eldiktiń mańyzdy mejesinde turmyz. Táýelsizdigimizdi kózdiń qarashyǵyndaı saqtap, egemendigimizdi odan ári nyǵaıtý - basty mindetimiz. Kez kelgen máseleniń sheshimin tabýǵa bolady, ol úshin, eń aldymen, jyldar boıy qalyptasqan birligimiz ben turaqtylyǵymyzǵa syzat túsirmeý asa mańyzdy», dedi Máýlen Áshimbaev.
Eske sala ketsek, Memleket basshysy quramynda Prezıdent Ákimshiliginiń qyzmetkerleri bar úkimettik komıssııa Aqtaýda jumysqa kiriskenin málimdep, demonstranttar jaýapkershilik tanytyp, dıalogqa daıyn bolýǵa tıis ekendigin aıtty.