QR Tótenshe jaǵdaılar mınıstrliginen habarlanǵandaı, lańkestik kezinde óz qyzmetin atqarýǵa tyrysqan órt sóndirý qyzmetkerlerine 33 ret shabýyl jasalǵan, dep habarlaıdy Egemen.kz vedomstvo baspasóz qyzmetine silteme jasap.
Jappaı tártipsizdik kezinde lańkester órt sóndirýshilerge tas laqtyryp, oq atty, joldaryn avtokóliktermen bógedi.
Nátıjesinde, qyzmettik mindetterdi atqarý barysynda Tótenshe jaǵdaılar mınıstrliginiń 10 qyzmetkeri ártúrli dene jaraqattaryn alsa, bireýi oq jaraqatyn aldy. Almaty qalasynda segiz qyzmetker, al Aqtóbe oblysynda eki qyzmetker zardap shekti.
Shabýyl saldarynan 29 órt tehnıkasy qırady, onyń ishinde 5 órt avtosısternasy tolyǵymen órtenip ketti.
Osyǵan qaramastan, TJM memlekettik órtke qarsy qyzmeti 81 órtti sóndirip, 143 adamdy qutqaryp qaldy.