Aqtóbe qalasynda oryn alǵan jappaı tártipsizdikterdiń 11 uıymdastyrýshysy ustaldy, dep habarlaıdy Egemen.kz.
Olardyń ekeýi qamaýǵa alynǵan. Bul týraly Aqtóbe oblysynyń komendanty Qanat Álıev málimdedi.
Qanat Álıev habarlaǵandaı, qoǵamdyq tártipti qorǵaý jáne azamattardyń qaýipsizdigin qamtamasyz etý jaǵdaıy tolyq baqylaýda. О́ńirde komendanttyq saǵat 22.00-den 6.00-ge deıin jumys isteıdi.
О́tken túnde polısııa tyıym salynǵan ýaqytta kóshede bolǵan 360 adamdy bólimshege jetkizdi. Onyń ishinde 166 adam ákimshilik jaýapkershilikke tartyldy.
«Sonymen qatar, tártipsizdikterdiń 11 uıymdastyrýshysy men bastamashylary ustaldy. Qazirgi ýaqytta olardyń ekeýine qatysty QR Qylmystyq kodeksiniń 272-babynyń 1-bóliginde kózdelgen«jappaı tártipsizdikterdi uıymdastyrý» qylmysyn jasaǵany úshin «qamaýǵa alý» bultartpaý sharasy tańdaldy. Qalǵandaryna qatysty olardyń zańsyz qyzmetine quqyqtyq baǵa beriledi», dedi Álıev.