Respýblıkalyq jedel shtab terrorızmmen kúres jónindegi jumysyna qatysty úndeý jasady, dep habarlaıdy Egemen.kz UQK baspasóz qyzmetine silteme jasap.
Komıtet ókilderi 2022 jylǵy 10 qańtardaǵy jaǵdaı boıynsha Qazaqstan Respýblıkasyndaǵy ahýal turaqtanǵanyn jáne baqylaýǵa alynǵanyn málimdedi.
«Terrorızmge qarsy kúres jónindegi Respýblıkalyq jáne óńirlik jedel shtabtar terrorıstik qaýip-qater oshaqtaryn zalalsyzdandyrdy. Almaty, Qyzylorda, Taldyqorǵan jáne Taraz qalalaryndaǵy terrorıster basyp alǵan barlyq ákimshilik nysandar bosatyldy. Asa mańyzdy strategııalyq nysandar men qarý jáne oq-dáriler saqtalatyn oryndardyń qaýipsizdigi qamtamasyz etildi», delingen habarlamada.
Sondaı-aq, komıtettegilerdiń málimetinshe, sodyrlar men jappaı tártipsizdikterge qatysqandardyń jasyrynýy múmkin oryndary boıynsha tıisti jumystar júrgizilip jatyr. Qylmystyq árekettiń izderin aıqyndaý jáne jınaqtaý júzege asyrylyp jatyr.
«Barlyq turǵyndy quqyqtyq tártip organdaryna terrorıstik is-áreketke qatysy bar adamdardy anyqtaýda kómek kórsetýge jáne jappaı tártipsizdik kezinde urlanǵan atys qarýy men oq-dárilerdi erikti túrde tapsyrýǵa shaqyramyz», dedi komıtet ókilderi.