Elimizde beleń alǵan jappaı tártipsizdik pen destrýktıvti áreketterdi toqtatyp, joıýǵa baılanysty Memleket basshysy Qasym-Jomart Toqaevtyń tapsyrmasymen naqty sharalar júzege asýda. Al ony tııanaqty iske asyrýdy árbir jaýapty organ óz deńgeıinde oryndaýy shart. Oǵan halyq qoldaý bildire otyryp, qazirgi kezde talap etilip otyrǵan barlyq sharaǵa muqııat bolǵanyn qalaımyz.
El basyna tóngen qıyn kezeńde halyqtyń amandyǵy - basty mindet. Prezıdentke qoldaý bildirip, memlekettigimizdi saqtaý jolynda jaýapkershilikti sezine otyryp, judyryqtaı jumylý mańyzdy. Osy oraıda stýdent jastardy, ata-analardy qıyn sátte sabyrly bolýǵa shaqyramyn. Otanymyzǵa adaldyqty saqtaý mańyzdy.
О́kinishke qaraı, beıbit sherýde keıbir belsendilerdiń, arandatýshylardyń jaýapsyz áreketinen júzdegen beıbit turǵyn men áskerılerdiń ómirine qaýip tóndi. El tynyshtyǵy buzyldy. Qazirgi kezde oqý oryndarynda stýdentterdiń, oqýshylardyń qaýipsizdigin qamtamasyz etý maqsatynda túsindirme jumystary júrgizilip, jataqhana men oqý ǵımarattary qatań baqylaýǵa alyndy. Bıylǵy oqý jylynyń ekinshi semestri Bilim jáne ǵylym mınıstrliginiń sheshimine sáıkes 24 qańtardan bastalady.
Qıyn-qystaý kezeńde birligimizdiń, Táýelsizdigimizdiń bekem bolýy mańyzdy. Osy oraıda barsha qazaqstandyqtardy, ásirese jastardy saqtyq tanytyp, el turaqtylyǵyn saqtaýǵa atsalysýǵa shaqyramyn.
Darhan BILÁLOV,
Abaı atyndaǵy QazUPÝ rektory.