Túrkistan oblysynyń polıseıleri bir táýlik ishinde Almaty qalasyndaǵy maroderlyqqa qatysqan 5 jas jigitti ustady, dep habarlaıdy Egemen.kz.
«Polıseıler Jetisaı qalasynda jedel is-sharalar júrgizý barysynda qonaq úılerdiń birinen Almaty men Túrkistan oblystarynyń úsh er-azamatyn ustady. Olardyń ekeýi buryn urlyq úshin sottalǵandar.
Tártip saqshylary olardan 550 000 teńge, esirtki, brendtik erler men áıelder zattaryn tárkiledi.
Ustalǵandardyń aıtýynsha, olar Almaty qalasyndaǵy jappaı tártipsizdikti paıdalanyp, KOTTON saýda úıiniń janynan zattardy alǵan», dep jazylǵan Túrkistan oblysy polısııa departamenti taratqan habarlamada.