Qazaqstan Jazýshylar odaǵy basqarmasynyń bastamasymen elimizde oryn alǵan jaǵdaıǵa baılanysty ádebıet jáne óner qaıratkerleriniń Qazaq eline úndeýi.
Qadirli baýyrlar!
Biz – ádebıet jáne óner qaıratkerleri, eldegi jaǵdaıǵa úlken alańdaýshylyq bildirip, kelesini málimdeımiz.
Elimizde qalyptasyp otyrǵan qoǵamdyq-saıası jaǵdaı óte kúrdeli.
Ishten shyqqan jaý men syrttan soqqan jaýdyń qıturqy áreketteriniń nátıjesinde el ishi búlinip, qalalarymyz qırap, strategııalyq nysandarymyz otqa oranyp, beıbit turǵyndarymyz zardap shegip jatyr.
Iri saýda ortalyqtary tonalyp, bankter men qoǵamdyq oryndar talqandalyp, jaramsyz bolyp qaldy.
Sulý Almatymyz áli kúnge deıin qara tútinge tunshyǵyp tur. Turǵyndarymyzdyń kózinde úreı, júreginde alań ornap aldy.
Syrttan muzdaı qarýlanǵan ekstremıstik toptar el ishin ala taıdaı búldirip, tynysh ómirimizge oıran saldy.
Mundaı sumdyq oqıǵalardy Qazaqstan buryn-sońdy kórgen emes.
О́zderiniń pasyq múddeleri úshin halyq pen qalalardy qurbandyqqa shala salýǵa da bara salatyn zymııan adamdardyń mundaı óreskel áreketterin zııaly, kózi ashyq azamattar kórip otyr jáne qatań aıyptaýda.
Sondyqtan osyndaı alaǵaı da bulaǵaı shaqta, elimiz úshin tarıhı syn saǵatta biz zańdy túrde saılanǵan, barlyq quzyretti qolyna alǵan Prezıdentimiz Qasym-Jomart Kemeluly Toqaevtyń qasyna toptasyp, birlese qımyldap, eldegi jaǵdaıdy turaqtandyrýǵa tıispiz.
Jáne kúlli Alash jurtyn bir jaǵadan bas, bir jeńnen qol shyǵaryp, bir bolýǵa shaqyramyz!
Qolymyzdaǵy eń qasıetti, eń kıeli dep sanalatyn ardaqty Táýelsizdigimizdi saqtap qalaıyq!
El aman bolsyn!
Qurmetpen
Asanáli Áshimov, Sábıt Orazbaev, Seıit Qasqabasov, Nurǵalı Núsipjanov, Dýlat Isabekov, Kádirbek Segizbaev, Beksultan Nurjekeev, Temirhan Medetbek, Jabal Erǵalıev, Moldahmet Qanazov, Altynbek Qorazbaev, Doshan Joljaqsynov, Ulyqbek Esdáýlet, Talǵat Temenov, Seken Turysbekov, Nesipbek Aıtuly, Júrsin Erman, Roza Rymbaeva, Mereke Qulkenov, Qulbek Ergóbek, Kenjehan Matyjanov, Anar Fazyljan, Baýyrjan Jaqyp, Dúken Másimhan, Bekjan Turys, Maraltaı Raıymbekuly, Dáýren Qýat, Sáken Sybanbaı, Baqyt Bedelhan, Meırambek Besbaev, Dáýletkereı Kápuly, Erǵalı Ábdiraıym, Aqberen Elgezek, Serik Aqsuńqaruly, Tursyn Jurtbaı, Baýyrjan Babajanuly, Elena Ábdihalyqova, Mádı Aıymbetov, Tolymbek Ábdiraıym, Elmura Jańabergenova, Ashat Maemırov