Memleket Basshysy Qasym-Jomart Toqaev QR Parlamenti Májilisiniń otyrysynda quqyq qorǵaý júıesin reformalaýǵa shuǵyl túzetýler engizý qajettigin málimdedi, dep habarlaıdy Egemen.kz.
Prezıdent atap ótkendeı, qarýly kúshter, quqyq qorǵaý qurylymdary, ulttyq qaýipsizdik, syrtqy barlaý organdary bir maqsat – azamattarymyzdy, konstıtýsııalyq qurylysty, egemendikti kez kelgen sıpattaǵy jáne aýqymdaǵy qaýip-qatermen barynsha tıimdi qorǵaý úshin úılesimdi jumys isteýi tıis.
Onyń aıtýynsha, muny memleketimizdiń túpki múddeleri talap etedi.
«Bul mindetti sheshý úshin kelesi basymdyqtarǵa nazar aýdarý qajet. Birinshisi - quqyq qorǵaý júıesin reformalaýǵa shuǵyl túzetýler engizý. Biz polısııanyń servıstik modelin qurý jáne qylmystyq prosesti jańǵyrtý isinde edáýir ilgeriledik. Jappaı terrorlyq shabýyldarǵa qarsy turýǵa daıyn bolý kerek. Kúsh qurylymdarynyń qolbasshylyǵy jaýyngerlik mashyqtardy pysyqtaýǵa, qorǵaný men shabýyl jasaýdyń tıimdi quraldarymen jaraqtandyrýǵa dereý kirissin», dedi Qasym-Jomart Toqaev.