Batys Qazaqstan oblysynda sońǵy aptada koronavırýs juqtyrǵandar sany 74 paıyzǵa artqan, dep habarlaıdy Egemen.kz.
«Indet juqtyrǵandardyń 74 paıyzy Oral qalasynyń úlesine tıedi. Sondaı-aq Báıterek, Bórili aýdanynyń turǵyndary arasynda koronavırýs kóbirek anyqtalyp otyr. Oblys qazir «sary» aımaqta tur. Eger aýrýshańdyq deńgeıi ósetin bolsa, elimizdiń bas memlekettik sanıtar dárigeriniń qaýlysyna sáıkes shekteý sharalaryn kúsheıtýge týra keledi», dedi BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaev.
Departament basshysy óńirde vaksına qory jetkilikti ekendigin, indetten qutylýdyń jalǵyz joly turǵyndardyń ýaqtyly ekpe alyp, sanıtarlyq talaptardy buljytpaı saqtaýy kerektigin atap ótti.