Shymkent qalasynda sońǵy aptada koronavırýs ınfeksııasy aýrýyna shaldyqqandar sany kúrt kóbeıgen. Máselen, ótken táýlikte indet juqtyrýdyń 141 jaǵdaıy tirkelgen. Epıdemıologııalyq ahýal kórsetkishi boıynsha búgin qala «qyzyl» aımaqqa ótti, dep habarlaıdy Egemen.kz Shymkent qalasy ákiminiń baspasóz qyzmetine silteme jasap.
Covid-19 ınfeksııasynyń aldyn alý boıynsha búgin qala ákimi Murat Áıtenovtiń tóraǵalymen shtab otyrysy ótti. Jıynda Densaýlyq saqtaý basqarmasynyń basshysy B.Pazılov epıdemıologııalyq jaǵdaı órshigen kezde ınfeksııalyq tósek oryndar sany bes myńǵa deıin kóbeıtiletinin aıtty. Sonymen birge eki aılyq dárilik qor men medısınalyq uıymdar úsh aılyq qajetti jabdyqtarmen qamtylǵanyn baıandady.
«Búgingi kúni qalada ınfeksııalyq 253 tósek oryn bar. Tósek oryn tolymdyǵy 66%-dy quraıdy, 86 tósek oryn bos. Búginde ınfeksııalyq stasıonarda 167 naýqas emdelýde, jan saqtaý bóliminde 59 tósek orny bar, onda 13 naýqas em qabyldaýda», dedi basqarma basshysy.
Shymkent qalasynyń basshysy epıdemıologııalyq jaǵdaıdyń kúrdelene túsýine baılanysty barlyq sanıtarlyq talaptardy qatań saqtaýǵa jáne monıtorıngtik toptardyń jumysyn kúsheıtýdi tapsyrdy.
Jıyn sońynda qala ákimi turǵyndardy koronavırýstyq ınfeksııanyń taralýyna jol bermeý maqsatynda barlyq usynylǵan sharalardy saqtaýǵa jáne vaksına almaǵan azamattardy ekpe alýǵa shaqyrdy.