Kólik baǵasyn arzandatady

Bul ınflıasııa deńgeıine de oń áser etedi. Shetelden áke­­lin­gen kólik úshin ýtılı­za­sııalyq tólem tóleý makroeko­nomıkalyq turǵydan alǵanda salyq bolyp sanalady. Son­dyq­tan onyń naryqtaǵy kólik baǵasyna áseri joǵary. Al ony alyp tastaǵan soń kólik baǵasy arzandaıdy. Osy kúnge deıin atalǵan máselemen jekemenshik kompanııanyń aınalysyp kelgeni de kópshilikti kóp oıǵa je­telegen edi. Prezıdenttiń bul máseleni memlekettiń qa­raýyna alýdy tapsyrýy qup­tarlyq qadam. О́ıtkeni álemdik tájirıbede de solaı.

Jalpy, Prezıdenttiń Máji­lis otyrysynda jasa­ǵan baıandamasy aýqymy men tereńdigi jaǵynan, ekonomıkalyq kategorııalardy jáne áleýmettiń ne­gizgi toptaryn qamtý tur­ǵy­synan erekshe baıandama boldy. Sebebi Prezıdent halyq arasyndaǵy klımatty jaqsy sezinetinin, qoǵam tarapynan aıtylǵan bastamalardy eskerýsiz qaldyrmaıtynyn, ishki jáne syrtqy táýekelder­ge únemi nazar aýdaraty­nyn, ózekti ekonomıkalyq-áleý­mettik máselelerge beıjaı qara­maı­tyndyǵyn ańǵartty. Pre­zı­denttiń tapsyrmalary naqty problemalyq núktelerge baǵyttalǵany qýantty.

Memleket basshysy úsh apta ishinde Úkimettiń 2022 jyl­ǵa arnalǵan is-qımyl baǵ­dar­­lamasyn ázirleýdi tapsyr­dy. Sońǵy 10-15 jylda mem­le­kettik josparlaý táji­­rı­besi qolǵa alynǵany bel­gi­li. Ol memlekettik jáne sala­lyq baǵdarlamalar­dy, ult­tyq holdıngterdiń baǵ­­dar­la­ma­laryn ázirleıdi. Alaı­da is-qımyl baǵdarlama­sy­nyń joqtyǵynan Úkimet júzege asyratyn áleýmettik-eko­no­mıkalyq saıasat úshin zań­namalyq jáne konstı­týsııalyq turǵydan eshqandaı jaýapkershilik arqalaǵan emes. Prezıdent osy bir olqy tusymyzdy birjola rettep bergendeı boldy. Endi Úkimet júrgizip otyrǵan áleýmettik-ekonomıkalyq saıasatyna zań­namalyq turǵydan ja­ýap beredi. Bul óte mańyzdy. Mun­daı baǵdarlamanyń jobasyn bizdiń ınstıtýt da ázir­l­egen bolatyn. Eger jańa Premer-Mınıstr tarapynan qyzyǵýshylyq týyndasa, biz óz jobamyzben bólisýge ázirmiz.

Memlekettik josparlaýǵa Strategııalyq josparlaý jáne reformalar agenttigi jaýapty. Prezıdent baıandamasy atalǵan júıege aıtarlyqtaı ózgeris engizip otyr. Iаǵnı jańa jylǵa deıin memlekettik josparlaý júıesinde Úkimettiń is-qımyl baǵdarlamasy joq bolatyn. Al osy joly Memleket basshysy atalǵan baǵdarlamany ázirleý týraly naqty tapsyrma berdi. Demek, Prezıdent memlekettik josparlaý júıesin túbegeıli ózgertýge qadam jasady. Úki­metke júzege asyratyn áleý­mettik-ekonomıkalyq saıasat úshin konstıtýsııalyq tur­ǵy­dan jaýapkershilik júktelýi eldiń damýyna serpin beredi.

Prezıdenttiń ekonomı­ka­lyq ósimniń negizgi paıdasyn ıelenip otyrǵan olıgarhııa­lyq toptar týraly tezısi de kópshiliktiń kókeıindegi oımen dóp tústi. Shynynda da, qalyptasqan olıgopolııalar erkin naryqtyń damýyn aıtarlyqtaı shektedi jáne eldiń básekege qabilettiligin tómendetti. Bul Úkimettiń osy kúnge deıingi ekonomıkalyq saıa­­saty olıgarhııalyq toptar­dyń múddesi úshin jumys istedi degen sóz. Prezıdenttiń osy bir modeldi toqtatýy, ıaǵnı eko­nomıkalyq saıasattyń arnasyn basqa baǵytqa burýy úlken nátıjelerge jol ashady.

Qaıyrbek ARYSTANBEKOV,

Ekonomıkalyq saıasat ınstıtýtynyń dırektory,

Prezıdent janyndaǵy Ulttyq qoǵamdyq senim keńesiniń múshesi