Qıynshylyq qursaýynda qalǵan qala úshin ereýildiń alǵashqy kúnderi tipten qıynǵa soqqany belgili. Osy kúnderde Ulttyq kásipkerler palatasy jáne Qoǵamdyq tamaqtaný qaýymdastyǵy birlesip, áleýmettik mekemeler qyzmetkerlerine, áskerıler men polıseılerge ystyq tamaq úlestirdi.
Sońǵy kúnderde qalalyq jáne modýldik aýrýhanalar, jedel járdem stansalary, perzenthanalar, órt sóndirý qyzmeti, balalar úıleri, sondaı-aq Ishki ister mınıstrligi men Ulttyq qaýipsizdik komıtetiniń gospıtaldary, Almaty qalasynyń aýdandyq ishki ister basqarmasyna ystyq tamaqtyń 5,9 myń porsııasy jetkizilgen. 10 qańtarda eriktiler sońǵy 270 porsııany úlestirdi.
Qoǵamdyq tamaqtaný qaýymdastyǵy tóraǵasynyń keńesshisi Veronıka Nurpeıisovanyń aıtýynsha, Almaty óńirlik kásipkerler keńesiniń músheleri eriktiler qataryna qosylyp, nan, sý tasydy. Qaýipti bola tura aýrýhanalar, gospıtaldar, balalar úılerindegi beketterge ystyq tamaq jetkizdi. Sonymen qatar ol SMALL sýpermarketi qyzmetkerlerine jáne adamdarǵa járdemdesý úshin azyq-túlikti arzan baǵamen satyp alýǵa kómektesken «Barys» bazaryna alǵys bildirdi.
Almaty qalasy óńirlik kásipkerler keńesi músheleriniń bastamasymen 7 qańtarda 1000 porsııany «Manar» dámhanasynyń qyzmetkerleri, 8-9 qańtarda 4940 porsııany Lanzhou tez tamaqtaný meıramhanalar jelisiniń aspazdary daıyndaǵan.
ALMATY