Kún ótken saıyn Qyzylorda oblysynda jaǵdaı turaqtalyp, tirshilik qalypqa túsip keledi. Eń bastysy, búlikten úrikken eldiń kóńili ornyna tústi. Oblys ákimdigi baspasóz qyzmetiniń habarlaýynsha, 7 qańtardan beri 365 azamat polısııa organdaryna jetkizilip, 54-i qamaldy. Olardyń arasynda tótenshe jaǵdaı rejimin buzǵandar da bar.
Al oblystyq polısııa departamenti halyqtyń qaýipsizdigi men tynyshtyǵyn qamtamasyz etetin jedel sharalardy qabyldaýda. Departamenttiń baspasóz qyzmetiniń habarlaýynsha, arnaıy jedel-tergeý toby búlikke qatysqan 38 adamdy anyqtady. Olardyń arasynda 5547 áskerı bólimi sarbazynyń ólimine kúdikti de bar. Qazir osy derek boıynsha sotqa deıingi tergep, tekserý bastaldy. Sarbaz ólimine qatysy bar azamattyń Qyzylorda qalasynyń 31 jastaǵy turǵyny ekendigi aıtylyp otyr.
Polısııaǵa jetkizilgenderden 3 atys, 13 sýyq qarý, 8 qalqan men 4 dýlyǵa, bes rezeńke soıyl tárkilegen. Koll-ortalyqqa 4 432 qońyraý túsipti. Ortalyqqa turǵyndardyń kópshiligi áýe, temirjol bıletterin qaıtarý, ınternetti qosýǵa baılanysty habarlasqan. 5 qańtardan bastap 204 adam medısınalyq kómekke júginse, 48 turǵyn aýrýhanaǵa jatqyzylǵan. Olardyń 10-y jansaqtaý bóliminde jatyr.
О́ńirdegi azyq-túlik qory jetkilikti. Dál qazir turaqtandyrý qory qoımasynda 1 448 tonna ónim bar. Aımaqta 34 áleýmettik dúken qalypty jumys istep tur. Apta saıyn 120 kólik kórshiles Túrkistan qalasynan azyq-túlik tasymaldaıdy. Gaz ben janar-jaǵarmaı da jetkilikti. Osy kúni suıytylǵan gaz – 60-65, AI-92 markaly benzın – 180, al dızel 229 teńgeden satylyp jatyr.
Shaǵyn jáne orta bıznes te qalypty jumys yrǵaǵyna kóshti. Búginde oblys aýmaǵynda 17 bazar, 89 iri saýda úıi, 129 janar-jaǵarmaı beketi, 359 dárihana jelisi men azyq-túlik dúkenderi jumys istep tur.
Oblystyq kásipkerler palatasy baspasóz qyzmetiniń málimetinshe buzaqylyq saldarynan qala ortalyǵyndaǵy 26 nysanǵa 395,4 mln teńge zalal kelgen. Palata men kásipkerlik jáne týrızm basqarmasyna oblys ortalyǵyndaǵy 15 kásipker osyndaı shaǵymmen habarlasqan.
Qyzylorda oblysy