Almatyda jappaı tártipsizdik kezinde dúken tonaǵan bes adam ustaldy, dep habarlaıdy Egemen.kz.
Almaly aýdandyq polısııa basqarmasynyń málimetinshe, qala ortalyǵynda kúndizgi ýaqytta 21-27 jas aralyǵyndaǵy bes adam ustaldy. Olardyń ekeýi - qyzdar.
Kúdiktilerdiń esirtki tyǵyp jatqany belgili boldy. Ustalǵandardyń jaldamaly páterinen bólshek saýda úshin oralǵan sıntetıkalyq esirtki zaty, sondaı-aq kúdiktilerden tonaý kezinde qylmystyq jolmen alǵan sıfrlyq qural-jabdyqtar tabyldy jáne tárkilendi.
Barlyǵy 70-ten astam untaqty zaty bar magnıttik býmalar, kompıýterdiń eki prosessory men monıtory, noýtbýkter, teledıdarlar, proektorlar, pernetaqtalar, vırtýaldy oıyndarǵa arnalǵan jabdyqtar. Sondaı-aq áskerılendirilgen oq-dáriler tabyldy jáne qylmystyq is-materıaldaryna qosyldy.
Kúdiktiler qamaýǵa alynyp, olardyń kim ekeni jáne zańsyz áreketterge qatysy bar-joǵy tekserilýde.