Elordada jedel járdem qyzmetine degen suranystyń edáýir artqany baıqaldy. Jedel járdem qyzmetine kúnine 2500 shaqyrtý túsýde. Bul týraly Nur-Sultan qalasy qoǵamdyq densaýlyq saqtaý basqarmasy basshysynyń orynbasary Álııa Rústemova aıtty, dep jazady Egemen.kz.
«Elordadaǵy epıdemologııalyq jaǵdaıdyń nasharlaýyna jańa jyldaǵy qydyrys pen karantın talaptarynyń saqtalmaýy sebep bolyp otyr. Osyǵan baılanysty qazirgi ýaqytta jedel járdem men mobıldi brıgadalardyń qyzmetine júginý kórsetkishi 2 esege artty. Bul kúnine 2500 shaqyrtý kelip túsetinin bildiredi. Mobıldi brıgada bolsa táýligine 1000-1200 shaqyrtý alyp otyr. Búginde elordada 5 myńnan astam pasıent ambýlatorııalyq em alyp jatyr», dedi Álııa Rústemova qala ákimdiginde onlaın ótken baspasóz máslıhaty aıasynda.
Densaýlyq saqtaý basqarmasy basshysynyń orynbasary elorda turǵyndaryn karantın talaptaryn saqtaýǵa jáne indetke qarsy vaksına alýǵa shaqyrdy.
«Koronavırýspen kúreste vaksınanyń tıimdi ekenin álemdik tájirıbe kórsetip otyr. Indetti eńserýdiń jalǵyz ǵana joly bar. Ol - saqtaný jáne ekpe alý», dep qosty ol.