Eldi eleń etkizgen oqys oqıǵa kóptiń kóńiline ýaıym salǵany belgili emes. Buzaqylardyń kesirinen buqara jurttyń basyna bult úıirilip, úıinen shyqqysy kelmeıtindeı úreılengeni shyndyq. Degenmen Memleket basshysynyń der kezinde qabyldaǵan sheshimi negizinde tóńiregimizge tótenshe jaǵdaı engizilip, komendanttyq saǵat bekitildi. Onyń ózi janyn shúberekke túıgen jalpaq jurttyń júregine jubanysh syılaǵany anyq. Biraq eki aptaǵa engizilgen tótenshe jaǵdaıdy eskermeı, komendanttyq saǵatty elemeı júrgen jandar da jeterlik.
Jaýapsyzdyq tanytqandar jaýapkershilikke tartyldy
Nur-Sultan qalasynyń komendanty Erjan Sádenov qala turǵyndaryn tótenshe jaǵdaı rejimi aıasynda qabyldanǵan sharalardy buzbaýǵa shaqyrdy. Komendanttyń aıtýynsha, elordada jaǵdaı turaqty. Bir táýlik ishinde qalada 8 qylmys jasaldy, 83 jol-kólik oqıǵasy tirkeldi, saldarynan eki adam zardap shekti.
Sondaı-aq 464 ákimshilik quqyq buzýshylyq anyqtaldy, onyń ishinde 183-i – tıisti erejelerdi buzý, 36-sy – qoǵamdyq oryndarda spırttik ishimdikter ishý jáne 18-i – halyqtyń kóshi-qony salasyndaǵy buzýshylyq faktileri. Esterińizge sala keteıik, qala perımetri boıynsha táýlik boıy 6 blok-beket jumys isteıdi. Tótenshe jaǵdaı rejimi engizilgennen beri 200-den asa adam ustaldy. Onyń ishinde 28 adam ákimshilik qamaýǵa alyndy. Tótenshe jaǵdaı kezinde jalǵan habarlamalar paıda boldy, olar toqtatyldy. Turǵyndardan tek resmı aqparat kózderine sený suralady. Jalǵan aqparat taratýdyń 3 faktisi anyqtaldy. Barlyq fakti boıynsha qylmystyq ister qozǵaldy.
«Jalǵan aqparat taratýǵa jol berilmeıtini týraly eskertemin. TJ jaǵdaıynda QR QK 274-babyna sáıkes 7 jylǵa deıin bas bostandyǵynan aıyrý kózdelgen. Taǵy da eske salamyn, tótenshe jaǵdaı kezinde quqyqqa qarsy is-áreket jasaý jaǵdaıdy aýyrlatatyn mán-jaı bolyp sanalady jáne neǵurlym qatań jaýapkershilikke ákep soǵady. Qurmetti turǵyndar, komendanttyq saǵatty buzbańyz, zańǵa baǵynyńyz jáne tynyshtyqty saqtańyz», delingen elorda komendantynyń úndeýinde.
51 adam ákimshilik qamaýǵa alyndy
Qaraǵandy oblysyndaǵy qoǵamdyq-saıası jaǵdaı turaqty. Aımaq komendanty Erlan Faızýllınniń aqparaty boıynsha ótken táýlikte tártip saqshylary 13 qylmystyq quqyq buzýshylyqty ashty.
TJ rejimin buzǵany úshin barlyǵy 586 ákimshilik hattama toltyryldy. 51 adam ákimshilik qamaýǵa alyndy. 14 buzýshyǵa aıyppul salyndy, taǵy 460 adam eskertý aldy. Polısııa qyzmetkerleri tyıym salynǵan 36 zatty tárkiledi. Balqash blok-beketinen 53 jastaǵy qala turǵyny basqarǵan Land Cruiser avtokóliginen tegis uńǵyly qarýǵa 6 patron tabyldy. Iesine qatysty azamattyq qarýǵa patrondardy tasymaldaý tártibin buzǵany úshin hattama toltyryldy. Sondaı-aq TJ kezinde polısııa qyzmetkerleri 16 birlik tegis uńǵyly qarý, 6 pyshaq tárkilep, esirtki zattaryn saqtaýdyń 8 faktisin anyqtady. Qaraǵandy oblysynyń polısııa departamenti turǵyndardy tótenshe jaǵdaı rejimin buzbaýǵa shaqyrady jáne polıseılerdiń jumysyna túsinistikpen qaraıtyn jáne olarǵa járdem kórsetetin azamattarǵa alǵys bildiredi.
Shetel azamattary da shekten shyǵýda
Pavlodar oblysynda búlik shyǵarǵan 900-ge jýyq adam jazalandy. Oblys komendatýrasy ókilderiniń habarlaýynsha, tártip buzǵandardyń árqaısysyna qatysty ákimshilik is qozǵalǵan. Jaýapqa tartylǵandardyń qatarynda 4 shetel azamaty bolǵan. Materıaldardyń barlyǵy sotqa jiberilip, sheshimder qabyldandy. Naqtyraq aıtqanda, 220 azamat 15 táýlikke qamaýǵa alyndy. Taǵy 300-ge jýyq buzaqyǵa 30 AEK kóleminde aıyppul salyndy. Al ózge el azamattary keri qaıtaryldy. Qazirgi ýaqytta oblystyń kúshtik qurylymdary kúsheıtilgen jumys kestesine kóshken. Strategııalyq mańyzy bar nysandar erekshe baqylaýǵa alyndy. Blok-beketterdegi qyzmet kúsheıtildi. Táýlik ishinde blok-beketter arqyly 6 myńnan asa avtokólik ótken. Júrip-turýǵa ruqsat bolmaǵandyqtan, 39 avtokólik men 88 azamatqa kirý men shyǵýǵa ruqsat etilmedi.
«Komendanttyq saǵat engizilse de, zańbuzýshylyqtar barshylyq. Máselen, ýaqyt rejimin saqtamaǵan 700-ge jýyq adam ustaldy. Ár adamǵa qatysty ákimshilik is qozǵaldy. Materıaldar sotqa joldandy. Sonymen qatar 290 kólik toqtatylyp, aıyp turaǵyna qoıyldy», dedi oblystyq polısııa departamentiniń resmı ókili Janna Belıalova.
Jalǵan aqparat taratqandar da anyqtalady
Atyraý oblysynda komendanttyq saǵat talaby 121 márte buzylǵan. Bul týraly Atyraý oblysynyń komendanty – oblystyq polısııa departamentiniń bastyǵy Qamza Úmbetqalıev málim etti.
«Atyraý oblysynda tótenshe jaǵdaı jarııalanǵannan beri komendanttyq saǵat talaptaryn buzǵan 121 derek tirkelip, ákimshilik is qozǵaldy. Tótenshe jaǵdaı kezinde atqarylatyn qyzmettiń basty maqsaty – qoǵam tirshiliginiń qalypty jaǵdaıyn ornatý. Sondyqtan osy baǵytta qyzmet atqaryp júrgen tártip saqshylary men ózge de jaýapty mamandardyń jumysyna túsinistikpen qaraýǵa, terrorızmge qarsy operasııalar kezindegi shekteýlerge sabyrlyq tanytyp, saqtyq sharalaryn saqtaýǵa shaqyramyn. Arandatýshylyqqa jol bermeı, kúdikti faktiler týraly mindetti túrde polısııaǵa habar berýdi suraımyn. Sondaı-aq jalǵan aqparattar taratpaǵan jón. Mundaı áreket úshin Qylmystyq kodekstiń 274-babyna sáıkes 3 jyldan 7 jylǵa deıin qylmystyq jaýapkershilik qarastyrylǵan», dedi Atyraý oblysynyń komendanty Q.Úmbetqalıev.
Ereje buzǵandardyń eshqaısyna aıaýshylyq joq
Aldyńǵy túni Aqtóbe oblysynda komendanttyq saǵat tártibin buzǵan 169 adam polısııa bólimderine jetkizildi. Onyń 149-y ákimshilik jaýapqa tartyldy. Aqtóbe oblysy aýmaǵynda quqyq qorǵaý organdarynyń qyzmetkerleri qoǵamdyq tártipti jáne azamattardyń qaýipsizdigin qamtamasyz etip otyr. Oblystaǵy jaǵdaı polısııanyń tolyq baqylaýyna alyndy.
«О́tken túni komendanttyq saǵatty buzǵany úshin polısııa bólimderine 169 azamat jetkizildi, onyń 149-y ákimshilik jaýapqa tartyldy. Sonymen qatar qazirgi ýaqytta 3 adam qamaýǵa alynyp, 4 adamǵa qatysty bultartpaý sharasy qarastyrylyp jatyr. Sotqa deıin tergeý jalǵasady», dep habarlady oblystyq PD baspasóz qyzmetiniń jetekshisi Erbolat Sarqulov.
Aqtóbe oblysynda 10 blok-beket bar. Onyń úsheýi Aqtóbe qalasynda ornalasqan. Blok-beketterde polısııa qyzmetkerleri men áskerıler qyzmet atqaryp tur. Olar oblys jáne aýdan ortalyqtarynan kirý-shyǵý kezinde avtokólikterdiń salonyn, júrgizýshiler men jolaýshylardyń tólqujatyn tekserip jatyr. Aqtóbe oblysynyń komendatýrasy komendanttyq saǵattyń ýaqytyn keshe saǵat 23.00-den 07.00-ge deıin ózgertti.
15 adam jaýapqa tartyldy
Shyǵys Qazaqstan oblystyq Polısııa departamentiniń baspasóz qyzmeti usynǵan sońǵy málimetterge súıensek, oblys boıynsha jaǵdaı turaqty.
«Qazirgi ýaqytta óńirdegi jaǵdaı quqyq qorǵaý organdarynyń baqylaýynda. Polıseıler kúsheıtilgen rejimde óz qyzmetin jalǵastyryp jatyr. Tótenshe jaǵdaı men lańkestikke qarsy operasııany ótkizýge baılanysty engizilgen shekteýler saqtalady», delingen aqparatta.
Búginde aımaq boıynsha ustalǵandar sany 1 100-den asady. Onyń ishinde 79-y qamaýǵa alynǵan. Komendanttyq saǵat talabyn buzǵany úshin 15 adam ákimshilik jaýapqa tartyldy.
Tótenshe jaǵdaı rejimin 333 ret buzǵan
Aqmola oblysynyń sottary 2022 jylǵy 6-11 qańtar aralyǵynda 333 ákimshilik quqyq buzýshylyq týraly isti qarady. Oblystyq Polısııa departamenti basqarmasy baspasóz qyzmetiniń málimetinshe, aldyńǵy táýlikte oblystyń 8 turǵyny Ákimshilik quqyqbuzýshylyq kodeksiniń 476-baby boıynsha ákimshilik jaýapqa tartyldy.
«Oblys boıynsha 13 blok-beket jumys isteıdi, onyń 8-i – Kókshetaý qalasynda, 3-eýi – Stepnogorda jáne 2-eýi – Býrabaı aýdanynda. Qańtardyń 8-inde Býrabaı aýdandyq polısııa bólimine Túrkistan oblysynyń 8 turǵyny jetkizildi. Olar bir kún buryn astanadan Býrabaı kentine kelip, kýrorttyq aımaq aýmaǵynda memlekettik tirkeý nómiri joq kólikpen júrgen. Jol qozǵalysy erejelerin buzǵany úshin kólik quraldarynyń júrgizýshileri Ákimshilik quqyq buzýshylyq kodeksiniń 591-babynyń 1-bóligi jáne 230-babynyń 2-bóligi boıynsha ákimshilik jaýapqa tartyldy», dedi vedomstvo ókilderi.
Sonymen qatar Nur-Sultan qalasyna kireberistegi blok-bekette Arshaly aýdany Jibek jolynyń turǵynynan 75 oq-dárisi bar «Saıgak-410» tirkelmegen myltyq tárkilendi. Dál osy kúni Kókshetaýdan elorda baǵytyna shyǵaberistegi blok-bekette Shýche qalasy turǵynynyń avtokóliginen «TOZ 87-01» markaly tegis uńǵyly myltyq tabyldy.
«Oblys aýmaǵynda saǵat 23.00-den 07.00-ge deıin komendanttyq saǵat engizildi. О́ńirdiń 180-nen asa belsendi turǵyny qoǵamdyq tártipti qamtamasyz etý boıynsha erikti jasaqtarǵa qosyldy, olardyń 84-i – tanymal sportshy. Oblys turǵyndaryn qulaǵdar etý úshin «jedel jeli» ashyldy. Oblys turǵyndary 1303 nómirine habarlasyp, qajetti aqparatty alýyna bolady. Búgingi tańda Sall-ortalyqqa komendanttyq patrýldeýge qatysý, alkogol ónimderin satýǵa tyıym salý, kóńil kóterý oryndarynyń jumys isteýi máseleleri boıynsha blok-beketterdiń jumysyna qatysty 320 qońyraý kelip tústi. Qazirgi tańda oblys aýmaǵyndaǵy jaǵdaı turaqty», dep tolyqtyrdy vedomstvonyń baspasóz qyzmeti.