«Qyzyl» aımaqqa ótken Atyraý oblysynda epıdemıologııalyq ahýal shıelenisip ketti, dep habarlaıdy Egemen.kz.
О́ńirdiń densaýlyq saqtaý basqarmasy baspasóz qyzmeti taratqan aqparatqa qarasaq, 10 qańtar kúni qaýipti vırýstyń belgisi 243 adamnan tabylǵan eken.
«Koronavırýs ınfeksııasyn juqtyrý Atyraý qalasynda órship tur. Munaıly qalada Covid-19 ınfeksııasynyń 193 jaǵdaıy rastaldy. Al, Teńiz ken ornynda 30 naýqas anyqtaldy. Qyzylqoǵa aýdanynda – 10, Qurmanǵazy aýdanynda 10 adam indetke shaldyqty. Qaýipti vırýstyń sımptomdy belgisi 140 naýqasta bar», delingen habarlamada.