Almatynyń Jetisý jáne Naýryzbaı aýdandarynda profılaktıkalyq jáne izdestirý sharalary júrgizildi. Bul týraly Almaty qalasy komendatýrasynyń aqparattyq ortalyǵy málim etti, dep habarlaıdy Egemen.kz.
Komendatýra málimetinshe, arnaıy operasııa barysynda Jetisý jáne Naýryzbaı aýdandarynan lańkestik, tonaý jáne basqa da qylmystardyń 2159 qatysýshysy ustaldy. 67 birlik atys qarýy men 3112 oq-dári tárkilendi.
«О́tken táýilikte «102» pýltine 754 habarlama kelip tústi. Komendatýranyń Koll-ortalyǵyna azamattardan jedel áreket etýdi talap etetin 175 dabyl qabyldandy. Barlyq habarlamalar der kezinde óńdeldi», dedi Almaty qalasy komendatýrasynyń resmı ókili Saltanat Ázirbek.
Sonymen qatar, ol turǵyndardy komendanttyq saǵatty buzbaýǵa shaqyrdy.