О́ńirde bir táýlikte 323 turǵynnyń koronavırýs indetin juqtyrǵany belgili bolǵan, dep habarlaıdy Egemen.kz. inform.kz-ke silteme jasap.
Oblysta kúni keshe ǵana epıdemıologııalyq jaǵdaıdyń ýshyqqany naqtylandy. Búginde óńir «qyzyl» aımaqqa kirgen oblystardyń qatarynda.
«Táýlik ishinde 323 adamnyń koronavırýs dertine shaldyqqany belgili boldy. Onyń 197-i vırýstyń sımptomdy túrimen aýyrǵan. Aqtóbe qalasynan bólek, Alǵa, Mártók, Muǵaljar, Temir, Oıyl, Hromtaý, Shalqar aýdandarynda da dertke shaldyqqandar az emes», delingen Aqtóbe oblystyq sanıtarlyq-epıdemıologııalyq baqylaý departamentiniń baspasóz qyzmeti taratqan habarlamada.