Ortalyq kommýnıkasııalar qyzmetinde ótken brıfıngide QR Bas prokýratýrasy Qylmystyq qýdalaý qyzmetiniń bastyǵy Serik Shalabaev elde bolǵan tártipsizdikter kezinde qaza bolǵandardyń naqty sanyn málimdedi, dep jazady Egemen.kz.
«Adam shyǵyny bolǵan oqıǵalardy tergep, tekserýge erekshe nazar aýdarylýda. Búgingi kúni 4578 jábirlenýshi anyqtaldy. Onyń 4353-i jaralandy. Onyń ishinde 3393 quqyq qorǵaý organdarynyń qyzmetkerleri. Tótenshe jaǵdaı kezinde morgterge qaza tapqan 225 adam jetkizildi», dedi Bas prokýratýra ókili.
«Olardyń bir bóligi terraktilerge qatysqan, ǵımarttar men quqyq qorǵaý qyzmetkelerine shabýyl jasaǵan qarýly bandıtter. Qaza bolǵandardyń ishinde 19 polısııa jáne ásker qyzmetkerleri de bar. Atalǵan derekter aldyn ala sıpattaǵy boljamdar. Olar áli naqtylanyp jatyr, ózgerýi de múmkin. Degenmen, árbir fakt muqııat tekseriledi, nátıjesi boıynsha quqyqtyq baǵa beriledi», dedi Serik Shalabaev.