Almatyda oryn alǵan jappaı tártipsizdik kezindegi oqıǵalardy qalalyq polısııa departamentiniń basshysy Qanat Taımerdenov QR Prezıdenti janyndaǵy Ortalyq kommýnıkasııalar qyzmeti alańynda málimdedi, dep jazady Egemen.kz.
«Osy kúnge deıin arnaıy organdardyń qyzmetkerleri, áskerılermen birlesip, qalany tazartý boıynsha lańkestikke qarsy sharalar júrgizýde.
Tártipsizdik kezinde 356 kólik zaqymdandy. Onyń ishinde 163-i polısııa qyzmettik kóligi. Shuǵyl túrde málimdemeler bazasy jınaldy. 102 sıgnaldarǵa jaýap berý qyzmeti qalpyna keltirildi. Shaqyrtýlarǵa kúsheıtilgen patrýldik jasaqtar jiberiledi. Búgingi tańda qalada jaǵdaı turaqty. Kommýnaldyq nysandar men tirshilikti qamtamasyz etý júıesi qalpyna keltirilýde», dedi Qanat Taımerdenov.
Sondaı-aq, qalalyq polısııa departamentiniń basshysy turǵyndardy májbúrli shekteýlerge shydamdylyq tanytyp, saqtyq sharalaryn saqtaýǵa shaqyrdy.