Ile polıgonynda (Almaty oblysy) QR QK Aeroutqyr áskerleriniń batalon komandırleri men shtab bastyqtarynyń onkúndik jıyny bolyp ótti.
Jıyn maqsaty – ofıserlerdiń teorııalyq daıyndyǵyn júrgizý jáne negizgi oqý pánderi boıynsha qatysýshylardy basshylyq qujattardyń talaptarymen tanystyrý.
– Bul sabaqtar QR QK Aeroutqyr áskerleri bólimderi men bólimsheleriniń udaıy jaýyngerlik ázirligin qoldaýǵa kómektesedi. Osyndaı jıyndardyń arqasynda áskerı qyzmetshiler ózderiniń fýnksıonaldyq mindetterin bilikti jáne senimdi oryndaý úshin kásibı daıarlyqtaryn jetildiretinin erekshe atap ótken jón, – deıdi jıyn basshysy polkovnık Vladımır Marııch.
Is-sharanyń qorytyndysy boıynsha batalon komandırleri men shtab bastyqtary jaýyngerlik, tehnıkalyq jáne tyldyq qamtamasyz etý boıynsha synaqtar tapsyryp, olardyń arasyndaǵy jıyndy tabysty aıaqtaǵan áskerı qyzmetshilerdiń úzdikterin aıqyndady.
«Egemen-aqparat».