Qurlyqtyq hokkeı lıgasynyń Gagarın kýbogy úshin 12 naýryz kúni Ekaterınbýrgte jergilikti «Avtomobılıstpen» 1/8 fınaldyń tórtinshi kezdesýin ótkizgen Astananyń «Barysy» 2:1 esebimen jeńiske jetip, 1/4 fınalǵa shyqty.
Osy jeńisten keıin serııanyń jalpy esebi 4:0-ge jetti. Bul joly ol qarsylasynan qatarynan tórt ret basym túsip, ózi bir ret te ese jibergen joq.
«Barys» komandasynyń bas jattyqtyrýshysy Arı-Pekka Selın «Avtomobılıstpen» ótken oıynǵa túsindirme bere otyryp: «Match serııanyń aldyńǵy kezdesýlerine uqsas jaǵdaıda órbidi. Aıdynda tartys teketires júrdi. Sońyna deıin jumyla bilip, bir demmen oınap, jeńisti qamtamasyz etken oıynshylaryma alǵys bildiremin», – dedi.
Eske sala keteıik, buǵan deıin birde-bir pleı-offty jibermegenine qaramastan, qazaqstandyq klýb óziniń tarıhynda birinshi ret Gagarın kýbogynyń ekinshi raýndyna shyǵyp otyr. «Barys» buǵan deıin úsh ret birinshi raýndta «Aq Barysqa», bir retten «Magnıtka» men «Traktorǵa» jol berip qoıǵan edi.
Jerlesterimizdiń kelesi qarsylasy keıinirek belgili bolady.
Damır QOJAMQUL.