Shaǵyn fýtboldan ÝEFA Kýbogynyń fınaldyq kezeńine jerebe tartyldy.
Ázerbaıjan astanasy Baký qalasynda ótken jerebe tartý rásiminiń qorytyndysy boıynsha Almatynyń «Qaıraty» ÝEFA Kýbogynyń jartylaı fınalynda Máskeýdiń «Dınamo» komandasymen kezdesetin bolyp sheshildi. Al, ekinshi jupta ázerbaıjandyq «Araz» klýby men ıspandyq «Barselona» komandalary oınaıtyn bolady. «Qaırat» pen «Dınamo» arasyndaǵy jartylaı fınaldyq kezdesý 24 sáýir kúni ótse, «Araz» ben «Barselona» arasyndaǵy match ta sol kúni ótedi. Al úshinshi oryn úshin ótetin kezdesý 25 sáýir kúni bolsa, fınal 26 sáýir kúni Bakýde ótedi.
Byltyr ÝEFA Kýbogyn «Qaırat» komandasynyń jeńip alǵanyn bilemiz. Sondyqtan almatylyq klýbtyń taǵy da shaǵyn fýtboldan kári qurlyqtyń basty kýbogyn elge alyp keledi degen úmittemiz. Osy jerde bir aıta ketetin nárse, byltyr «Qaırat» osy kýbokty jeńip alǵannan bastap resmı matchtarda da joldastyq kezdesýlerde de jeńilmeı keledi.
Dastan KENJALIN,
«Egemen Qazaqstan».